تشخيص او علاج

کېدې شي تاسو به سوچ کوئ چې ټول عمر مې بې له تشخيصه تېر شو نو اوس تشخيص ولې وکړم؟ د تشخيص نه ستاسو ژوند ښه کېدلې شي۔ چې کله دا معلومه شي چې تاسو ته په اصل کښې مسئله څه ده نو دا ستاسو او ستاسو د کورنۍ لپاره په خپله د سکون سبب جوړېږي۔ د هرې مسئلې د حل لپاره لومړے پړاو په دي پوهېدل دي۔ ستاسو لپاره به دا خبره هم د سکون سبب وي چې ډېر خلک د آټزم د ښکار کېدو باوجود بلکې ډېر ځل د دې په وجه ډېر ښه او کامياب ژوند تېروي۔ د آټزم ښکار ځيني خلکو کښې قدرتي د موسيقۍ، حساب او آرټ يا فن وغېره غېرمعمولي صلاحيتونه وي۔ د آټزم ښکار خلکو کښې 40 فيصده خلک د يو عام تن په مقابله کښې د هغوي هومره يا د هغوي نه زيات هوښيار وي۔ ځيني ښه خوشحاله واده کړے ژوند تېروي او ډير په کاميابۍ سره خپلې نوکرۍ کوي۔ سم تشخيص سره تاسو د آټزم په اړه کار کوونکو ادارو او ډاکټرانو نه مرستې اخستلې شئ۔ که چرې تاسو ته شک وي چې تاسو ته آټزم کېدلې شي نو د تشخيص د عمل نه تېرېدو کښې وروستو کېږئ مه او د خپل ښه ژوند تېرولو لپاره تاسو ته پکار ضرورتونه يا سهارا ترلاسه کړئ۔

په لويو يعنې ډېر عمر والا کسانو کښې د آټزم د تشخيص ډېرې محدوده طريقې دي۔ باوجود د دې چې په تېرو کلونو کښې د آټزم په اړه اګاهي يا خبرتيا زياته شوې ده۔ که چرې پورته ذکر شوي معلومات تاسو په ځان کښې وينئ نو دا ځيني ټېسټونه دي کوم چې په تشخيص کښې د ډاکټر مرسته کولې شي۔

که چرې ډاکټر ته دا محسوسه شي چې تاسو د آټزم ښکار کېدلې شئ نو هغه لکه د ماشومانو ستاسو هم ځيني ټېسټونه کولې شي۔ ممکنه ده چې ډاکټر ستاسو مور پلار يا خيال ساتونکو سره هم خبرې کول غواړي چې داسې هغوي معلومه کړي چې په ماشومتوب کښې په تاسو کښې د آټزم کومې نخښې يا علامتونه خو نه وو۔ که څه هم دا طريقه د اعتماد يا باور وړ نه ده خو په تېرو وختونو کښې د طبي يعنې مېډيکل رېکارډ د نيشتوالي له کبله هم دا لار خپلولې شي۔ که چرې په تاسو کښې د آټزم تشخيص وشي نو ډاکټر به تاسو بيا د دې رنځ ماهر له لېږي او هغه به بيا تاسو ته د وړاندې علاج او ګامونو په اړه وائي۔