ابتدائی مداخلت کے علاج کیا ہیں؟

بروقت مداخلت سے مراد ہے آٹِزم کی تشخیص ہوتے ہی متعلقہ ڈاکٹروں کی مدد سے اپنی معلومات کے مطابق عمل درآمد شروع کردینا۔ بلکہ باقاعدہ تشخیص سے پہلے بھی مناسب اقدامات کیے جا سکتے ہیں۔ جوں ہی آپ کے بچے میں آٹِز م کی تشخیص ہوجائے تو علاج میں تاخیر آپ کے بچے کو نقصان ہی پہنچا سکتی ہے۔ بروقت مداخلت کے کچھ طریقے یہ ہیں:

آٹِزم کی علامات اٹھارہ ماہ کے بچوں میں بھی ڈھونڈی جا سکتی ہیں۔ یہ بات ثابت ہوچکی ہے کہ بروقت مداخلت سےبچوں کی زندگی پر بہت مفید اور مثبت اثرات مرتب ہوتے ہیں۔ آٹِزم کی تشخیص ہوتے ہی مزید وقت ضائع کیے بغیر متعلقہ اقدامات کرنا بہت ضروری ہے۔

بروقت مداخلت سے بچے کے آئی کیو (IQ)، اس کی بول چال اور اس کے معاشرتی تعلقات سب پر بہت مثبت اثرات مرتب ہوتے ہیں۔ جب ایک بچہ تین سال سے کم عمر کا ہوتا ہے تو اس کا ذہن تبدیلی کو آسانی سے قبول کرلیتا ہے۔ ایک کم عر بچے کے دماغ میں سیکھنے اور مخصوص مفید عادات کو اپنانے کی صلاحیت زیادہ ہوتی ہے۔ وقت کے ساتھ ساتھ دماغ کی تبدیلی کے مطابق ڈھلنے کی صلاحیت کم ہوجاتی ہے۔